Soveel keer U teleurgestel, bedroef, beproef,
Soveel keer gefaal...
Soveel keer weer teruggedraai na U, soos nou,
wyl dit voel of ek die finale vallei betree
wat sal ek nou vra, Heer, behalwe vir genade, weer 'n keer?
Soos Hiskia na die muur gedraai ween en uitstel vra...
soos Elia onder die besembos smeek om te gaan...
soos Jona in die vis se maag...
soos Jesus in Getsemane...
is ek benoud... ek moet bely ...
soos Abraham: 'Here, as ek guns vind in U oë, moet asseblief
nie aanstoot neem as ek nog een keer
met U spreek" en nogmaals om genade smeek...
So lê ek ootmoedig voor U, Genadige, Almagtige...
En ek vra: "Asseblief, Abba, Vader God, pa!"
No comments:
Post a Comment